Turi

Turi nun parrò si fici ancora i fatti sò
Turi è cchiu cuntenti si talia e nun dici nenti

Quannu visti veniri 'i matina di lu mari
navi chi purtavanu gintazzi furasteri
Quannu i visti fari e strafari cu putiri
Quannu s'addunò che erano i so duminaturi

Turi nun parrò si fici ancora i fatti sò
Turi è cchiu cuntenti si talia e nun dici nenti

Quannu si stufò di chiangiri 'nto cavaleri
pì putiri aviri un postu unni travagghiari
Quannu ntisi i figghi 'n pezz'i pani addumannari
Quannu supra na navi iddu fu prontu p'emigrari

Turi nun parrò si fici ancora i fatti sò
Turi è cchiu cuntenti si talia e nun dici nenti

Quannu ancora oggi cu i guverni e cu li liggi
si viri arrubbari la so aria e lu so mari
Quanno come a li funci spuntaru centu cimineri
e cu tuttu chissu iddu nun potti travagghiari

Turi nun parrò si fici ancora i fatti sò
Turi è cchiu cuntenti si talia e nun dici nenti
Turi nun parrò si fici ancora i fatti sò
Turi nun parrò e si fa sempre i cazzi so.

Da "La terra e la memoria"
I Canterini di Ortigia